Кыргыз билим берүү институтунун педагогикалык кадрлардын квалификациясын жогорулатуу, даярдоо жана кайра даярдоо борборунун карамагында 1990-жылы кыргыз тили жана адабиятын окутуунун методикасы кафедрасы түзүлгөн. 1990-2005-окуу жылдарында кыргыз тилин жана адабиятын окутуунун методикасы кафедрасын п.и.д., профессор С.Ү.Үсөналиев жетектеген. 2005-2008-окуу жылдарында кыргыз тилин жана адабиятын окутуунун методикасы кафедрасынын кафедра башчысы болуп доценттин милдетин аткаруучу Т.А.Асанакунов иштеген. 2008-2009-окуу жылдарында аталган кафедра Мамлекеттик жана чет тилдер кафедрасы деп өзгөртүлүп түзүлгөн. Мамлекеттик тил жана чет тилдер кафедрасынын башчысы болуп п.и.д., доцент М.Х.Манликова иштеген. 2009-жылы Мамлекеттик тил жана чет тилдер кафедрасынын курамынан бөлүнүп, кыргыз тили жана адабияты кафедрасы өз алдынча кайрадан түзүлгөн. П.и.к. Б.А.Абдухамидова 2013-жылга чейин жетектеген.

2013-жылы Кыргыз билим берүү академиясынын курамы кайрадан жаңыланып түзүлгөндүгүнө (реорганизацияланып) байланыштуу кафедра «Мамлекеттик, расмий жана чет тилдер» кафедрасы деп аталды. 2013-жылы атайын конкурстун негизинде кафедранын башчылыгына п.и.к., доцент К.Э.Эсеналиева шайланган. 2017-жылдын 1-январынан баштап Кыргыз билим берүү академиясынын курамынан чыгып өз алдынча Билим берүү жана илим министрлигинин алдындагы Республикалык педагогикалык кызматкерлердин квалификациясын жогорулатуу жана кайра даярдоо институту болуп бөлүндү. Аталган институт кайрадан жаңыланып түзүлгөндүгүнө (реорганизацияланып) байланыштуу «Мамлекеттик, расмий жана чет тилдер кафедрасы «Филологиялык билим берүү» кафедрасы деп аталып, өзгөрүлдү. 2017-жылдын 1-июлунан «Филологиялык билим берүү» кафедрасынын башчылыгына конкурстун негизинде п.и.д., доцент Асанакунов Такабай Абдыбекович шайланып жетекчилик кызматты улантууда.